मिति २०७८ माघ २६ गते पाँचपोखरी थाङ्पाल गाउँपालिकाले ९ औं (बिशेष) गाउँसभा सम्पन्न गरेको छ । गाउँसभाको उदघाटन गाउँपालिका अध्यक्ष श्री टासी लामा ज्यू बाट भएको थियो । बिशेष गाउँसभामा गाउँपालिकाका उपाध्यक्ष श्री सुनिता अधिकारी, प्रमुख प्रशासकीय अधिकृत श्री दिनेश कुमार पोखरेल लगायत, सम्पूर्ण वडाका निर्वाचित सभा सदस्यहरु,गाउँपालिकाका सम्पूर्ण कर्मचारीहरु लगायत स्थानीय राजनैतिक दलहरुको सहभागिता रहेको थियो । यस पटक पाँचपोखरी थाङ्पाल गाउँपालिकाले बिशेष गाउँसभा गरेकोमा अध्यक्ष टासी लामाले जोड दिनुभएको थियो कार्यक्रमको उदघाटन गर्दै लामाले सर्वसम्वत रुपमा सम्पन्न भएको जानकारी दिनुभएको छ । यो पटकको अन्तिम गाउँसभा र विशेष रहेको बताउनुभएको छ ।  वर्षमा २ पटक गाउँसभा गर्नुपर्ने संवैधानिक व्यवस्था अनुरुप आजको गाउँसभा हिउँदे अर्थात विशेष अवस्थामा रकमान्तर गर्नुपर्ने अवस्थाहरु हेरी त्यसको व्यवस्थापनका लागि भएको बताउनु भएको छ । यसका अलावा गाउँपालिकाको योजना तथा कार्यक्रमहरु पूर्णिरुपमामा फाल्गुन महिनाको अन्त्य सम्ममा सकिने दावि गर्नु भएको छ भने  पालिकालाई आफ्नो अमूल्य साथ र सहयोग गर्नुहुने जनप्रतिनिधी तथा कर्मचारीहरुलाई अव वाँकि दिनका कार्यका लागि निर्देशन सहित धन्यवाद ज्ञापन गर्नु भएको थियो ।